қарулы күштерді, басқа да әскерлер мен әскери құрылымдарды қолданудың негіздері

Қазақстан Республикасының Қарулы Күштері, басқа да әскерлері мен әскери құрылымдары соғыс қатерін болдырмау жөніндегі міндеттерді орындауға үнемі дайын тұруға тиіс.

Қазақстан Республикасына қарсы қарқындылығы төмен қақтығыс ішкі саяси тұрақсыздандыру, мемлекеттік органдардың қызметіне іріткі салу, шиеленіс ошақтарын туғызу, ұлтаралық, діни алауыздықтарға арандату, мемлекетті саяси көнбістікке итермелеу, экстремистік идеялар тарату мақсатында тұтандырылуы мүмкін. Қарқындылығы төмен қақтығыс туындаған жағдайда Қазақстан Республикасының мақсаты – шиеленіс ошағының кең ауқымды соғыс қимылдарына ұласып кетуіне жол бермеу, жанжал түйінін мемлекет үшін мейлінше төмен залалмен шешу. Қазақстан Республикасының Қарулы Күштері, басқа да әскерлері мен әскери құралымдары қарқындылығы төмен қақтығыстарда, әдетте, оларды бейбіт құралдармен реттеуге жағдай туғызу мақсатында шиеленіс ошағын болдырмау және соғыс қимылдарын мүмкіндігінше бастапқы кезеңінде тоқтату үшін қолданылатын болады. Осы міндеттерді орындау үшін Қарулы Күштердің тұрақты жауынгерлік әзірліктегі құрамалары мен бөлімдері тартылады. Қажеттілігіне қарай олар Қазақстан Республикасының басқа да әскерлері мен және әскери құрылымдарымен күшейтілуі мүмкін. Мұндай жағдайларда әскерлер тобына басшылықты біртұтас (жалпы әскерлік) қолбасшылық жүзеге асырады.